أحسن طريقة لعمل كبده اسكندرتي في البيت

 

المقادير

• 6 x عدد فص ثوم
• 3 x عدد عصير ليمون
• 3 x عدد قرن فلفل حامى
• 1 x كوب زيت عباد شمس
• 1 x معلقة صغيرة كمون
• 1 x معلقة صغيرة ملح
• 1 x كيلو كبدة (طازة)
• 1 x معلقة صغيرة كزبرة جافة مطحونة
• 1 x معلقة كبيرة طحينة

الخطوات

1. هنفرم الثوم ناعم مع الكزبرة و الملح و الكمون
2. هنقطع الفلفل شرايح.
3. هنقطع الكبده شرايح و بعدين نقطعها قطع صغيرة.
4. هنقلب الكبدة مع الثوم و الفلفل فى طبق غويط.
5. هنحط نص الزيت فى الطاسة و نسخنها كويس جدا علشان الكبده تتحمر اول مانحطها.
6. هنمسك ايد الطاسة و نرقعها من ناحية شوية عن التانية. نخلى علشان نجمع الزيت فى مكان واحد. هنضيف بالمعلقة الكبده واحد واحده و نقلبها شوية و بعدين نرفعها فى النص الفاضى و نضيف غيرها. كده نضمن ان كل الكبده اتحمرت كويس. لما الزيت يقل هنزود شوية من باقى الزيت.
7. لما نضيف كل الكبدة هنوطى النار خالص و نغطيها 20 دقيقه.
8. هنرفع الغطا و نضيف الليمون.
9. هننقلها فى الطبق و نضيف معلقة الطحينه.

المصدر ...محشي .كوم