- لكمية تكفي:4 أشخاص
- وقت التحضير:30 دقيقة
- وقت الطهي:30 دقيقة
- المقادير:دقيق
ميه
ملح
سمنه
- التحضير:جبت الدقيق وحطيت عليه الملح وعجنت بميه وخليت العجينه يابسه اووووى
بعد كده قطعتها عمن غير ماترتاح ولا اى حاجهوقطعتها قطع صغيرة زى دى
وبعد كده حطيت عليهم دقيق زى كدهوبعدين بدأت افرد القطع بايدى عادى وبرضه كنت بحط دقيق كتير وانا بفردهم
وطبعا ده فرد كده اى كلام لسه هكمل فرد بالماكنه
ودى الماكنه اللى بستخدم فى عمل المخروطه احنا بنسميها مكنة مخروطه بس فى بلاد تانيه بيسموها مكنة المكرونه لان فعلا فيها جزء بيعمل المكرونه
وده الجزء اللى هستخدمه فى فرد العجينه
وطبعا انا معرفتش اصور وانا بفرد لانى كنت بعمل وحدى وايد مشغلة الماكنه وايد ماسكه العجينه
المهم يعنى بعد ما افرد العجينه احطها على حاجه مرشوشه دقيق تتهوى شويه مش تنشف تتهوى بس
واروح احط حلة البخار على النار ودى شكلهم بعد الفرد
وبعد كده ارش عليها دقيق كتير والفها زى كده عشان ابدا التقطيع وطبعا فايدة الدقيق الكتير انا العجينة ساعة التقطيع تبقى مش متلزقه فى بعضها وتبقى مفرفرة وحلوة بعد كده هبدأ اقطع وبرضه مصورتش لانى معرفتش
المهم احط منخل تحت الجزء بتاع التقطيع اللى فى الماكنه
زى كده
- الطبخ:ولما اعمل نص المقدار بالظبط هنخله كويس اوى من الدقيق واحطة فى حلة البخار وطبعا اغطيهم بفوطه ولما الاقى البخار طالع منهم كتير زى كده احط النص التانى اللى انا قطعته وبرضه اغطيهم بفوطه واسيبه باه قد نص ساعه يعيشو مع بعض
ترديها باه يعنى تفرفريها كويس وتحطى عليها قشطه لو عندك حتة زبده فلاحى
نص كوباية حليب اى حاجه من دول
وبعد ما يبقى شكلها مفرفر كده زى اللى فى الصورة دى رجعيها تانى فى حلة البخار
وسبيها ربع ساعة كمان تعيش شويه ههههههههههههههههه
وبعد كده شربيها سمنه سايحه وحطيها فى اى حله عندك وممكن لو عملتى كتير تحطى منها فى التلاجه وتخرجيها ساعة اللزوم
- ملاحظات:ملحوظه انتى هترفعى الفوطه هتحسى ان العجينه ساحن على بعضها
لا يا يا ست الستات هى بيبقى شكله كده وما تحاوليش تقلبيها خالص الا لما شكلها يبقى ناشف والمنظر السايح ده راح
ولما تحسى بكده هتخرجيها من حلة البخار وترديها وهتخرجيها فى حاجه واسعه وهقولك دلوقتى يعنى ايه ترديها
المصدر:
موقع " مطبخ فتكات "
0 التعليقات:
إرسال تعليق