أحسن طريقة لعمل كحك العيد بالملبن فى البيت مع الصور

• الكمية تكفي:5 أشخاص
• وقت التحضير:60 دقيقة
• وقت الطهي:10 دقائق
• المقادير:كيلو دقيقنصف كيلو سمنة بلدى سايحة(انا استخدمت سمنة الحلوب)كوب ونصف ماء دافىءنصف ملعقة كبيرة خميرة فورية2 ملعقة كبيرة سكرملعقة كبيرة ريحة كحك5 ملعقة كبيرة سمسم مش محمصمكونات الحشو:نصف كيلو ملبن(الملبن هو نفسه الراحة او راحة الحلقوم فى بلاد الشام)2 ملعقة كبيرة سمنة3 ملعقة كبيرة سمسمنقطتين ماء زهر
• التحضير:هنبدأ فى تحضير عجينة الكحك ودى صورة ريحة الكحك للى ميعرفهاش
  فى اناء هنحط الدقيق ومعاه ريحة الكحك ونقلبهم ونعمل حفرة فى النص نحط فيها السمسم ونقدح السمنة وننزلها على الدقيق وهتعمل فوران لأنها لازم تكون بتغلى وطبعا غليانها ده هيخلى السمسم يتحمص
  ونقلب الدقيق مع السمنة كويس بالمعلقة لأن السمنة سخنة يعنى نبس العجينة زى مابنقول فى مصر لغاية ماالدقيق يشرب كل كمية السمنة
  ونسيبهم يبردوا خالص وفى الكوب ونص ميه ندوب الخميرة والسكر وننزل بيهم على الدقيق والسمنة
  ونبدأ نعجن بايدينا او بالمعلقة ونلم العجينة بايدينا
• الطبخ:ونغلفها ونسيبها تخمر فى مكان دافى لمدة من ساعة لساعة ونص وفى الوقت ده هنجهز حشوة الملبن
  هنقدح السمنة على النار ونطفى النار ونحط السمسم يتحمص فى السمنة على السخونية ونقلبه
  ونقطع الملبن قطع ونحطه على السمنة والسمسم
  ونشغل النار ونقلبهم كويس لغاية ماالملبن يندمج مع السمنة والسمسم ويبقوا كتلة واحدة واخر حاجة نحط ماء الزهر وطبعا الخطوة دى اختيارى
  نرجع لعجينة الكحك هنلاقيها اختمرت كويس
  هناخد جزء من العجينة ونكوره
  ونعمل حفرة فى النص
  ونكون مكورين الملبن ومجهزينه للحشو
  ونحط فى الحفرة دى كورة من كور الملبن ونقفل العجينة
  ونكون محضرين فورم التشكيل للكحك او المناقيش حسب اللى بترتاحوله
  نحط العجينة فى الفورمة ونضغط عليها
  وننزلها من الفورمة على صينية مدهونة
  ونرص الكحك فى صوانى مدهونة سمنة
  وندخل الكحك الفرن على طول بعد مانحطه فى الصوانى وندخله فرن حرارته عالية ومسخنينة قبل كده ونطلعه لما يستوى ووشه يحمر
  ولما يبرد خاااااااااااااالص نرش عليه السكر بودرة ونقدمه
  وده شكله بعد التقديم
  
  
  
  المصدر: موقع "  مطبخ فتكات   "